Breaking

Sunday, September 15, 2019

” အိပ်မက်တွေကို အကောင်အထည်ဖော်ပေးခဲ့တဲ့ လူမင်းကို ကျေးဇူးတင်ကြောင်း ရင်ဖွင့်ပြောပြခဲ့တဲ့ ထက်ထက်ထွန်း”

 “ကျားကျားကြိုက်ကြိုက်”ရုပ်ရှင်ဇာတ်ကားမှာ ပါဝင်သရုပ်ဆောင်ထားတဲ့ ထက်ထက်ထွန်းကတော့ အနုပညာလောကမှာ အောင်မြင်နေတဲ့ မော်ဒယ်သရုပ်ဆောင်မင်းသမီးတစ်လက်ပါ။ ထက်ထက်ထွန်းဟာ “ကျားကျားကြိုက်ကြိုက်”ရုပ်ရှင်ဇာတ်ကားမှာဆိုရင် မြင့်မြတ်၊မင်းမော်ကွန်း၊သုသု၊လင်းလင်း၊ခင်စန်းဝင်း၊ထက်ထက်တို့နဲ့အတူ ပါဝင်သရုပ်ဆောင်ထားတာဖြစ်ပြီး ပရိသတ်တွေအတွက် အကြိုက်တွေ့စေမယ့် ဟာသဇာတ်ကားလေးဖြစ်တာကြောင့် ရုံပြည့်ရုံလျှံဖြစ်တဲ့ အထိတောင် ပရိသတ်အားပေးတာကို လက်ခံရရှိထားတာဖြစ်ပါတယ်။



 နောက်ထပ်လည်း ထက်ထက်ထွန်းဟာ စက်တင်ဘာလ(၁၉)ရက်နေ့မှာ ရုံတင်ပြသတော့မယ့် “ညစ်တွန်း”ရုပ်ရှင်ဇာတ်ကားမှာ ဝါရင့်သရုပ်ဆောင်တွေဖြစ်တဲ့ လူမင်း၊ပြေတီဦး၊ခိုင်းသင်ကြည်၊အိန္ဒြာကျော်ဇင် တို့နဲ့အတူ ကျရာဇာတ်ကောင်ကာရိုက်တာလေးကို ပီပြင်အောင်သရုပ်ဆောင်ထားတာဖြစ်ပါတယ်။ ဒီဇာတ်ကားမှာတော့ ထက်ထက်ထွန်းက ညှို့အားပြင်းတဲ့ Dancer မလေး စန္ဒီ အဖြစ် ပါဝင်သရုပ်ဆောင်ထားတယ်လို့သိရပါတယ်။ “ညစ်တွန်း” ရုပ်ရှင်ဇာတ်ကားကြီးရဲ့ Premiere Showကိုတော့ စက်တင်ဘာလ(၁၅)ရက်နေ့ ကျင်းပခဲ့တာဖြစ်ပါတယ်။


အဲဒီနေ့လေးကတော့ ထက်ထက်ထွန်းအတွက် အိပ်မက်တွေအကောင်အထည်ပေါ်လာတဲ့ နေ့တစ်နေ့ပါ။ သရုပ်ဆောင်အသစ်တစ်ယောက်ဖြစ်ပေမယ့် ဒီဇာတ်ကားမှာပါဝင်ခွင့်ရလို့ အန်ကယ်လေးလူမင်းကို ကျေးဇူးတင်လို့ မဆုံးဖြစ်နေရတယ်ဆိုတာကို “အိပ်မက်လေး အရာထင်လာတဲ့နေ့တစ်နေ့ ပထမဆုံးရုပ်ရှင်ကားကြီးဖြစ်တဲ့ “ညစ်တွန်း”ရုပ်ရှင်ဇာတ်ကားကြီးမှာ ကြိုးစားဖို့ အခွင့်အရေးပေးခဲ့တဲ့ “ဧဝရက်”ရုပ်ရှင်ထုတ်လုပ်ရေးနဲ့ အန်ကယ်လေးကို ပထမဦးစွာ ကျေးဇူးတင်ကြောင်းပြောရင်း ရိုသေစွာကန်တော့ပါတယ်ရှင့်။ သရုပ်ဆောင်အသစ်အနေနဲ့ အနုပညာလောကသားများကရော ပရိသတ်များကပါ အသိအမှတ်ပြုခံရတဲ့ ပီတိကဘာနဲ့မှမလဲနိုင်ပါဘူး”လို့ ရင်ဖွင့်ပြောပြခဲ့တာဖြစ်ပါတယ်။ဆယ်လီကမ္ဘာပရိသတ်ကြီးရေ ညှို့အားပြင်းတဲ့ Dancer မလေးအဖြစ် မြင်တွေ့ရမယ့် ထက်ထက်ထွန်းရဲ့ “ညစ်တွန်း”ရုပ်ရှင်ဇာတ်ကားကြီးကို သွားရောက်အားပေးကြမယ်မဟုတ်လား……။
Source: Htet Htet Htun
credit-ချစ်သဲမေ @ CeleGabar

POPULAR POSTS

ads