“လိပ်ပြာစံအိမ် ” ရုပ်ရှင်ဇာတ်ကားကြီး ဆိုတာနဲ့ မြန်မာတစ်နိုင်ငံလုံးက ကလေးတွေရော လူကြီးတွေပါ တခဲနက်အားပေးကြမ်းခဲ့တဲ့ သရဲကားတစ်ကားလို့ဆိုရမှာပါ။ အမေတစ်ယောက်ရဲ့ မေတ္တာစေတနာ ကို ဖော်ပြခဲ့တဲ့ ဇာတ်အိမ်မျိုးဖြစ်ပြီး ဇာတ်လမ်းဇာတ်ကွက်ကျကျနဲ့ ဇာတ်ရှိန်ကိုလျော့မသွားအောင် ဆွဲဆောင်နိုင်ခဲ့တဲ့ ကားတစ်ကားလို့တောင် ပရိသတ်အများစုရဲ့ မှတ်ချက်ပေးခံခဲ့ရတာပဲ ဖြစ်ပါတယ်။
ရုံတင်ပြသခဲ့တဲ့အချိန်ကစပြီး ပြည်တွင်းမှာ အခုထိ ရုံတင်ပြသနေရတဲ့ ဇာတ်ကားတစ်ကားပါ။ Brave Empire Entertainment ရဲ့ ပွဲဦးထွက်ကားတစ်ကား ဖြစ်ပြီ ပြည်ပနိုင်ငံတွေမှာ ပြသခဲ့ပြီးနောက် ဝမ်းသာစရာသတင်းတစ်ခု ထွက်ပေါ်လာတာလို့ပြောရမှာပါ။ လိပ်ပြာစံအိမ် ရုပ်ရှင်ဇာတ်ကားကြီးဟာဆိုရင် (၂၀၁၉ )ခုနှစ် Asian Academy Creative Awards မှာ Regional ဆုပေါင်း (၆) ဆုရှိပိုင်ဆိုင်ခဲ့တာကြောင့်ပါ။
ရရှိခဲ့တဲ့ဆုတွေကတော့ အကောင်းဆုံးဒါရိုက်တာဆု ၊ အကောင်းဆုံးအမျိုးသမီးဇာတ်ဆောင်ဆု၊ အကောင်းဆုံးအမျိုးသမီးဇာတ်ပို့ဆု၊ အကောင်းဆုံးဇာတ်ကားဆု၊ အကောင်းဆုံးဓာတ်ပုံဆုနဲ့ အကောင်းဆုံးဇာတ်ဝင်တေးဆုတွေဖြစ်ပြီး နှစ်စဉ် အာရှ-ပစိဖိတ်ဒေသမှ တစ်နှစ်တာအတွင်း ထုတ်လုပ်ခဲ့တဲ့ ရုပ်ရှင်ဇာတ်ကားကောင်းများကို ရွေးချယ်ပြီး အကောင်းဆုံး အနုပညာဆောင်ရွက်ချက်များအတွက် ဆုရွေးချယ်ချီးမြှင့်လျက်ရှိတဲ့ Asian Academy Creative Awards မှာ အခုလို ဆုတွေ ထိုက်ထိုက်တန်တန်ရရှိပိုင်ဆိုင်နိုင်တာ ပရိသတ်တွေရဲ့အားပေးမ့အပြင် အဖွဲ့သားတွေရဲ့ ကြိုးစားမှုရလဒ် တစ်ခုကြောင့်လို့ဆိုရမှာပါ။CeleGabar ပရိသတ်ကြီးလည်း လိပ်ပြာစံအိမ်အဖွဲ့သားတွေအတွက် ဂုဏ်ပြုစကားလေးပြောခဲ့ပါဦးနော်။credit-celegabar.com
