Breaking

Sunday, October 13, 2019

ရှုံးနိမ့်မှုအတွက် ဒေါသထွက်ပေမယ့် အောင်လဟာအနိုင်နဲ့ထိုက်တန်ပါတယ်လို့ ရင်ဖွင့်လာတဲ့ ဗီရာ

 ဂျပန်နိုင်ငံ၊ တိုကျိုမြို့မှာ ကျင်းပပြုလုပ်ခဲ့တဲ့ One Championship ရဲ့ 100 Century ပွဲစဉ်တွေကတော့ တကယ့်ကို မြိုင်မြိုင်ဆိုင်ဆိုင်၊ အကြိတ်အနယ်ရှိစွာနဲ့ ယှဉ်ပြိုင်ထိုးသတ်ကြရင်း ပြီးဆုံးသွားခဲ့ပါပြီ။ ပြိုင်ပွဲရဲ့ Main Event ဖြစ်တဲ့ မြန်မာ MMA ကစားသမားအောင်လအန်ဆန်နဲ့ စိန်ခေါ်သူ ဘရန်ဒန်ဗီရာတို့ရဲ့ ပွဲစဉ်မှာတော့ အောင်လအန်ဆန်က ဗီရာကို (၂) ချီအတွင်းမှာပဲ အလဲထိုးရင်း ပြတ်ပြတ်သားသား အနိုင်ယူသွားနိုင်ခဲ့တာ ဖြစ်ပါတယ်။

 ဗီရာက ဒီပွဲစဉ်မှာ အောင်လအန်ဆန်ကို အကောင်းဆုံးတုံ့ပြန်နိုင်ဖို့ ကြိုးစားခဲ့ပေမယ့် သက်လုံပိုင်းအရ ဘယ်လိုမှ မယှဉ်နိုင်ခဲ့ဘဲ အောင်လအန်ဆန်ရဲ့ အလဲထိုးမှုကို ခံခဲ့ရတာပါတယ်။ ဒီအတွက် ဗီရာဟာ ပွဲအပြီးမှာ ၀ှီးချဲနဲ့တောင် ထွက်ခွာသွားခဲ့တာကို တွေ့ရပါတယ်။ဗီရာဟာ အောင်လအန်ဆန်ရဲ့ လက်သီးချက်တွေကြောင့် တော်တော်လေး အထိနာသွားပုံရပြီး ၀ှီးချဲပေါ်မှာပဲ ဒီပွဲစဉ်မှာ ရှုံးနိမ့်သွားခဲ့ရခြင်းနဲ့ ပတ်သက်ပြီး ရင်ဖွင့်သွားခဲ့ပါတယ်။ ရှုံးနိမ့်မှုအတွက် ၀မ်းနည်းပေမယ့် အောင်လအန်ဆန်ဟာ အနိုင်နဲ့ ထိုက်တန်ကြောင်း ဗီရာက ဆိုခဲ့တာပါ။ဝှီးချဲလေးပေါ်မှာ ရင်ဖွင့်နေရှာတဲ့ ဗီရာ


“တစ်ခါတလေမှာ ဘ၀က ထင်မှတ်ထားသလို ဖြစ်မလာပါဘူး။ ဘယ်လောက်ပဲ လေ့ကျင့်လေ့ကျင့် ဖြစ်လာချင်မှဖြစ်လာတာ။ ဒီရှုံးနိမ့်မှုအတွက် ကျွန်တော်မပျော်ရွှင်ပါဘူး။ ဒေါသလည်း ထွက်မိတယ်။ ဒါပေမဲ့ အောင်လအန်ဆန်ဟာ အနိုင်နဲ့ ထိုက်တန်ပါတယ်။သူဟာ တကယ့်ကိုပြင်းပြင်းထန်ထန်ကြိုးစားပြီး အနိုင်ယူသွားခဲ့တာပါ။ ကျွန်တော့်က လက်ရှိအချိန်အထိ ဟဲဗီးဝိတ်ချန်ပီယံအဖြစ် ရှိနေတုန်းပဲ။ ဘ၀ဆိုတာ မျှော်လင့်ထားသလိုဖြစ်မလာဘဲ အိပ်မက်ဆိုတာလည်း လက်လျှော့လိုက်ဖို့ မဟုတ်ပါဘူး။ ကြိုးဝိုင်းထဲကို ကျွန်တော်ပြန်လာဦးမှာပါ”လို့ ဗီရာက ရင်ဖွင့်သွားခဲ့တာပါ။CRD-Myint Myat,Momolay

POPULAR POSTS

ads