Breaking

Friday, October 4, 2019

ဗီရာကို ချုပ်ကွက်လုံးဝမသုံးဘဲ အောင်လအန်ဆန် အနိုင်ယူမည်

 ဂျပန်နိုင်ငံတွင် ထိုးသတ်မည့် One Championship ပွဲစဉ်တွင် စိန်ခေါ်သူ ဖိလစ်ပိုင်နိုင်သား ဘရန်ဒန် ဗီရာကို ချုပ်ကွက်လုံးဝမသုံးဘဲ အနိုင်ယူမည်ဟု အောင်လအန်ဆန်က အတည်ပြုပြောကြားခဲ့သည်။ “ဒီပွဲမှာ ချုပ်ကွက်မသုံးဘူး။ဒီပွဲမှာ ကျွန်တော် တိုက်ခိုက်သူအနေနဲ့ လက်သီး၊ခြေကန်ချက်တွေနဲ့ နိုင်အောင် ကစားသွားမှာပါ ” ဟု မြန်မာ့စပါးအုံးမြွေဟုတင်စားခံရထားသည့် အောင်လအန်ဆန် က ပြောသည်။
၂၀၁၉ ခုနှစ်၊မတ်လ ၃၁ ရက်နေ့က တိုကျိုတွင်ပြုလုပ်ခဲ့သည့်ONE: A NEW ERA ပြိုင်ပွဲ၏ မစ်ဒယ် ဝိတ်တန်းကမ္ဘာ့ချန်ပီယံတွဲဆိုင်းတွင် စိန်ခေါ်သူဂျပန်အားကစားသမားKen Hasegawa ကို အောင်လ အန်ဆန်က ဒုတိယအချီမှာပင် ဒိုင်ပွဲရပ်အနိုင်ယူကာ ချန်ပီယံခါးပတ်ကိုကာကွယ်နိုင်ခဲ့သည်။ ထိုအချိန် မှာပင် အောင်လအန်ဆန်ကို UFC ပြိုင်ပွဲများယှဉ်ပြိုင်ဖူးသည့် Vera က ကြိုးဝိုင်းအတွင်းဝင်ရောက်ကာ တရားဝင် စိန်ခေါ်ခဲ့ခြင်းဖြစ်ပါတယ်။ အဆိုပါစိန်ခေါ်မှုကို အောင်လအန်ဆန်က ချက်ချင်းလက်ခံလိုက် သောကြောင့် ONE Championship သမိုင်းတစ်လျှောက် အကောင်းဆုံးနှင့် အကြီးကျယ်ဆုံး ဖြစ်လာ မည့် လိုက်ဟဲဗီးဝိတ်တန်းတွဲဆိုင်း ပေါ်ထွက်လာခြင်းဖြစ်သည်။




“အဓိက သူက ခွာပြီးတော့ ကစားချင်တယ်။ခွာပြီးကန်ချင်တယ်။ ခွာပြီးထိုးချင်တယ်။ အဲဒါကို ကျွန်တော်က အနီးကပ်သွားမယ်။ သူနားကပ်ပြီးတော့ ကစားမယ်။ သူရဲ့အဝေးက ကန်တဲ့ဟာကို ကာကွယ်ပြီးကစားမယ်။ နည်းဗျူဟာတော့ ရှိပါတယ်။ကျွန်တော်တို့နှစ်ယောက်ရဲ့ အားသာချက် ၊ အားနည်းချက် နည်းနည်းတူညီတယ်။ ဒါပေမယ့် သူရဲ့ သက်လုံကောင်းလား မကောင်းလားတော့ မသိဘူး။ အဲဒီအတွက်လည်း သိပ်ဂရုမစိုက်ဘူး။ ကျွန်တော်ရဲ့ သက်လုံကတော့ ၁၀၀ ရာခိုင်နှုန်း ကောင်းတယ်” ဟုအောင်လအန်ဆန် က ဆက်လက် ပြောသည်။
မြန်မာ့ဂုဏ်ဆောင် ကမ္ဘာ့လက်ဝှေ့အကျော်အမော်တစ်ဦးဖြစ်တဲ့ ချင်းအမျိုးသား အောင်လအန်ဆန်ဟာ သူ့ရဲ့ လိုက်ဟဲဗီး ဝိတ်တန်း ကမ္ဘာ့ချန်ပီယံ အဖြစ်ကို ကာကွယ်ဖို့အတွက် ဂျပန်နိုင်ငံကို စတင်ထွက်ခွါသွားပြီဖြစ်တယ်လို့ သိရပါတယ်။ အဆိုပါ ပြိုင်ပွဲကို အောက်တိုဘာလ ၁၃ ရက်နေ့တွင် ဂျပန်နိုင်ငံတိုကျိုမြို့၌ ထိုးသတ်မည်ဖြစ်ပြီး ကြည့်ရှုသူပရိသတ်များအတွက် ငါးချီအတွင်း အပြီးသတ် ထိုးသတ်သွားကြည်မည်ဟု သိရသည်။ ဒီပွဲစဉ်အတွက် ဝိတ်ဝန်းတူဖို့အတွက် ဘရန်ဒန်ဗီရာက သူ့ရဲ့ ကိုယ်အလေးချိန်ကို လျော့ချပြီး ပြိုင်ပွဲဝင်လာတာဖြစ်သလို ၊ မြန်မာ့ဂုဏ်ဆောင် အောင်လအန်ဆန် ကလည်း ဒီပွဲအတွက် အလေးချိန်ကို မြင့်ပြီး ပါဝင်ယှဉ်ပြိုင်လာတာဖြစ်ပါတယ်။ ဒါကြောင့် မြန်မာ့ဂုဏ်ဆောင် အောင်လအန်ဆန် ဘယ်လို တိုက်ကွက်တွေနဲ့ သူ့ရဲ့ချန်ပီယံအဖြစ်ကို ဆက်လက်ကာကွယ်သွားမလဲဆိုတာ အမြည်းမတောင်းပဲ ကြည့်ကောင်းမယ့် ပွဲမို့ အားလုံး မလွတ်တမ်းကြည့်ဖို့ သတိပေးလိုက်ပါတယ်နော်။
Credit Burmese Asia

POPULAR POSTS

ads