သူမနာမည် လမင်းအိမ်ဆိုလား..။ မနှစ်ကဘယ်အဆင့်မှာပြုတ်သွားသည်ဆိုလား..။ သူမကိုအသေအချာမသိခဲ့သည့်တိုင် သူမကိုနောက်တစ်ကြိမ်ပြန်တွေ့လေတိုင်းမှာ နောက်တစ်ကြိမ်တိုက်ပွဲဝင်ရှာသူချာတိတ်ဆိုတာကို ကျွန်တော်မှတ်မိနေတတ်သည်။ သူမကိုသတိပြုမိစွာကြည့်ဖြစ်လေတိုင်းမှာလည်း မခံချင်စိတ်ရှိသူ၊ အရှုံးဆိုတဲ့စကား တစ်လုံးတစ်ပါဒမျှမကြားလိုသူ၊ မာနစိတ်ရှိသူ၊ ပြီးတော့ ဘာနေနေမိမိကိုယ်ကိုယ်ယုံကြည်မိရှိလေသူကလေးမတစ်ဦးအဖြစ်Memory ထဲစွဲမှတ်နေမိတတ်လေသည်။
ဒီနေ့တော့ ဦးအောင်ကိုလတ်တို့က သူမကိုနောက်တစ်ဆင့်ခေါ်မသွားနိုင်ကြောင်း ဆုံးဖြတ်ခဲ့ကြသတဲ့။ ဒီအသံမှာ သူမ`တုန်´သွားပုံလေးကို ကျွန်တော်သည်ပင်လျှင် ရှော့ခ်ဖြစ်ရချေသည်။ ဒီအဖြေကိုသူမမျှော်လင့်ထားပုံမပေါ်ပါ။ သူမသည် Judge များကိုမော့ကြည့်လိုက်ရင်း အတွင်းခန်းများ၊ အိပ်မက်များ၊ မယုံကြည်နိုင်ခြင်းများကိုဖြတ်သန်းလာသော အသံတစ်ခု၊ ဒါမှမဟုတ် မေးခွန်းတစ်ခုကိုထုတ်ပြောလိုက်လေသည်။ `ပြန်မပြင်နိုင်တော့ဘူးလားဟင်´ ဆိုလားပါပဲ။ ကြည့်စမ်းပါကွာ.
ကျွန်တော်သည် သူမနောက်တစ်ဆင့်တက်သင့်သလားပြတ်သားစွာသိရှိသူတစ်ဦးမဟုတ်ပါ။ ထို့အတူ သူမ၏ဂီတပါရမီကိုလည်း ကျွန်တော်မခန့်မှန်းနိုင်။ ထို့ကြောင့်သူမကျန်ရစ်ခဲ့ခြင်းအား မနာကျင်တတ်ခဲ့ပါ။ သို့သော် ပြိုင်ပွဲတစ်ပွဲမှာ၊ ပြိုင်ပွဲတစ်ခုစာကျရှုံးရလေခြင်းအတွက် `ပြန်မပြင်နိုင်တော့ဘူးလားဟင်´ဟု မျက်ရည်တစ်ဝက်ပြန်မေး လိုက်ပုံလေးမှာတော့ ကျွန်တော်လည်းဆွေးသွားတာအမှန်ပါပဲ။
ပြန်မပြင်နိုင်တော့ဘူးလား၊ နှစ်ပေါင်းများစွာစိုးမိုးဗိုလ်ကျခဲ့ကြပြီးပြီ။ ပြန်မပြင်နိုင်တော့ဘူးလား။ အချစ်မှာ နောက်ကျသွားသောနာရီများမလည်ပတ်ခဲ့ပါ။ ပြန်မပြင်နိုင်တော့ဘူးလား။ ကျွန်တော်ဟာ တစ်ဘဝလုံးဒီတစ်ကြိမ်လေးပဲမှားခဲ့တာလေ။ ကျွန်တော်သည် လမင်းအိမ်နှုတ်ခမ်းလေး မှတစ်ဆင့် တကယ့်အပြင်ကမ္ဘာကြီးအားငေးကြည့်နေမိလေသည်။
Credit -N ကြယ်မင်း
Saturday, October 26, 2019
`ပြန်မပြင်နိုင်တော့ဘူးလားဟင်´ ဆိုပြီး ဒိုင်တွေကို အသနားခံခဲ့တဲ့ လမင်းအိမ်
Tags
# Celebrity
About Admins
Sora Blogging Tips is a blogger resources site is a provider of high quality blogger template with premium looking layout and robust design. The main mission of sora blogging tips is to provide the best quality blogger templates.
Celebrity
Tags
Celebrity