အရမ်းချစ်တတ်တဲ့မိန်းကလေးတစ်ယောက် စိတ်ကုန်သွားပြီဆိုရင်ဖြစ်လာမယ့် အပြုအမူ(၅)ချက်

 မိန်းကလေးတွေဟာ နှလုံးသားအရမ်းနုနယ်တယ် ဆိုပေမယ့်လည်း တော်တော်ကို သည်းခံနိုင်စွမ်းကြီးမားသူတွေပါ။ ဒါပေမယ့်လည်း မိန်းကလေးတိုင်းမှာ ကိုယ်သည်းခံနိုင်တဲ့အတိုင်းအတာဆိုတာ ရှိပါတယ်။ အဲ့ဒီ့အတိုင်းအတာကို ကျော်သွားရင်တော့ ဘယ်လောက်ချစ်ခဲ့သည်ဖြစ်ဖြစ်၊ သည်းခံခဲ့သည်ဖြစ်ဖြစ် ပြန်လှည့်ကြည့်တော့မှာ မဟုတ်ပါဘူး။ မိန်းကလေးတစ်ယောက်သည်းမခံနိုင်တော့တာဟာ စိတ်နာသွားလို့ပဲဖြစ်ပါတယ်။ စိတ်နာသွားတဲ့မိန်းကလေးတွေဟာ ဘယ်လိုပြုမူတတ်လဲဆိုတာကို ဖော်ပြပေးမယ်နော်။

(၁) လုံးဝဂရုမစိုက်တော့ဘူး

 မိန်းကလေးတိုင်း ကိုယ့်ချစ်သူက ကိုယ့်ကို ဂရုစိုက်တာကိုပဲလိုချင်ကြတာပါ။ ဒါဟာ အတ္တကြီးတာမဟုတ်ပါဘူး။ ရသင့်ရထိုက်တဲ့အရာတစ်ခုပါ။ ဒီလိုပဲ မိန်းကလေးတစ်ယောက်က ကိုယ့်ချစ်သူကို အရမ်းဂရုစိုက်ပေးနိုင်ပါတယ်။ သင့်ကိုစိတ်နာသွားတဲ့မိန်းကလေးကတော့ သင့်ကိုလုံးဝဂရုစိုက်တော့မှာ မဟုတ်ပါဘူး။ အကြောင်းကတော့ သူဂရုစိုက်ခဲ့တုန်းက သင်ကောင်းကောင်းပြန်ဂရုမစိုက်ခဲ့လို့ ကြာလာတော့သူ့ရင်ထဲမှာ ဒဏ်ရာအကြီးကြီးဖြစ်သွားလို့ပါ။

(၂) အဖက်မလုပ်တော့ဘူး

အဖက်မလုပ်တော့တာက ဂရုမစိုက်တာနဲ့ အတူတူဆိုပေမယ့် နည်းနည်းကွဲပါတယ်။ သင့်ကိုစိတ်နာသွားတဲ့ ကောင်မလေးဟာ သင့်ကို လုံးဝ အဖက်လုပ်တော့မှာ မဟုတ်ပါဘူး။ သူ့ဘေးနားမှာ သင်ရှိရှိမရှိရှိ၊ သင်ဘယ်ပဲရောက်ရောက် သူ့ခေါင်းထဲမှာ သင့်ကို အရေးလုပ်တော့မှာ မဟုတ်ပါဘူး။ သူလုပ်ချင်တာလုပ်မယ်၊ သွားချင်ရာသွားမယ်၊ အဲဒီ့အတွက်သင့်ရဲ့ ရှိခြင်း၊ မရှိခြင်းက လုံးဝကို အရေးမပါတော့ပါဘူး။

(၃) သင့်ဘေးမှာမနေချင်တော့ဘူး

သင့်ကိုစိတ်နာသွားတဲ့မိန်းကလေးတစ်ယောက်ဟာ သင့်အနားမှာ နေချင်တော့မှာမဟုတ်ပါဘူး။ သင့်အသံ၊ သင့်အမူအရာ၊ သင့်အပြောအဆိုတိုင်းလိုလိုက သူ့အတွက် ဒဏ်ရာဖြစ်စေလို့ပါ။ စိတ်ထဲမှာ ဒဏ်ရာအရမ်းကြီးလာရင် အရာရာတိုင်းဟာ သူ့အတွက် ခါးသီးနေတော့မှာပါ။ ဒါကြောင့် သင့်အနားမှာ သူနေချင်တော့မှာ မဟုတ်ပါဘူး။ အကြောင်းကတော့သင့်အနားမှာ နေရတာသူ့အတွက် အရမ်းပင်ပန်းလို့ပါ။

(၄) ဘယ်တော့မှ ပြန်မပြေလည်နိုင်တော့ဘူး

မိန်းကလေးတစ်ယောက် တကယ်စိတ်နာသွားပြီဆိုရင် ဘယ်တော့မှ ပြန်ပြေလည်တော့မှာ မဟုတ်ပါဘူး။ သူစိတ်နာသွားပြီဆိုကတည်းက ဒီဒဏ်ရာဟာ လတ်တလောကမှ ဖြစ်လာတာ မဟုတ်ပါဘူး။ အကြိမ်ကြိမ်အခါခါ၊ နေ့တွေလတွေ နဲ့ချီပြီး သူခံစားလာခဲ့တယ်၊ သည်းခံလာခဲ့တယ် နောက်ဆုံး သူ့ရဲ့ ခံနိုင်ရည်အဆင့်ကိုကျော်လွန်သွာလို့ စိတ်နာတဲ့အဆင့်ကို ရောက်သွားတာဖြစ်တယ်။ စိတ်မနာခင်မှာတော့ ပြေလည်နိုင်ပေမယ့်၊ တကယ်စိတ်နာသွားရင်တော့ ဘယ်တော့မှ ပြန်ပြေလည်တော့မှာ မဟုတ်ပါဘူး။

(၅) သင့်ကိုမလိုအပ်တော့ဘူး

သင့်ကိုစိတ်နာသွားတဲ့ မိန်းကလေးတစ်ယောက်အတွက် သင်ဟာ မလိုအပ်တော့ပါဘူး။ သင်ဟာသူ့အတွက် ဝန်ထုပ်ကြီးတစ်ခုလို ဖြစ်သွားပါပြီ။ သင်နဲ့ရှိနေတာထက် သင်နဲ့ဝေးနေတာ၊ သင့်အတွက်ငိုနေရတာထက် သင်မပါပဲ ပျော်နေရတာ၊ သင့်အနားမှာနေပြီး စိတ်ပင်ပန်းတာထက်၊ သင်မပါပဲ ပေါ့ပေါ့ပါးပါးနေချင်တဲ့ ဆန္ဒပဲရှိတော့တာပါ။ ဒါကြောင့် သူ့ဘဝမှာသင့်ကို မလိုအပ်တော့သလို သင်မရှိလေ သူ့အတွက်ကောင်းလေလို့ သတ်မှတ်ထားလိုက်တော့မှာပါ။

CRD-Auntymay