ဇနီးဖြစ်သူဆုံးပါးသွားပြီးနောက်မှာ သူ့မှာမိသားစုဆိုလို့ သားတစ်ယောက်ပဲ ကျန်ခဲ့ပါတယ်။ အဖေတစ်ယောက် အနေနဲ့ လယ်ယာအလုပ်ကို တစ်ဖက်ကလုပ်ရင်း လူမမယ်သားငယ်ကို ထိန်းကျောင်းမွေးမြူဖို့ဆိုတာ အတော် ခက်ခဲခဲ့ပါတယ်။ ဒါပေမဲ့ အဲဒီလိုအခက်အခဲပေါင်းများစွာကို ခါးစည်းရင်ဆိုင်နေရတဲ့ကြားမှာ ပညာရေးဟာ အရေးကြီးတယ်ဆိုတာကို သူသဘောပေါက်ခဲ့ပါတယ်။ ဒါ့ပြင် သူ့သားကိုလည်း အကောင်းတကာ့အကောင်းဆုံး တွေ ပေးချင်ခဲ့ပါတယ်။ “အဖေက ကျွန်တော့်ရဲ့အကြီးမားဆုံး ဂုဏ်ယူစရာပါပဲ။ ကျွန်တော့်ကို ပညာဆုံးခန်းတိုင်စေခဲ့တဲ့အတွက် ကျေးဇူးတင်ပါတယ်။” လို့ သားဖြစ်သူက သူဘွဲ့ယူတဲ့နေ့မှာ ထုတ်ပြောခဲ့ပါတယ်။
လက်လှုပ်မှ ပါးစပ်လှုပ်ရတဲ့ တစ်ချို့ဘဝတွေမှာ ပညာရေးဆိုတာ သူတို့ရဲ့ဦးစားစာရင်းထဲမှာ ပါလေ့မရှိပါဘူး။ စားစရာရှိနေပြီး တစ်နေ့တာအတွက် အသက်ဆက်ခွင့်ရနေရုံနဲ့ သူတို့ဘဝတွေဟာ လုံလောက် နေပါပြီ။ ဒါပေမဲ့ လယ်သမားကြီးကတော့ သူ့သားကို ကျောင်းပို့ပြီး ပညာသင်ပေးဖို့ကိုပဲ အဓိကဦးစားပေးခဲ့ပါတယ်။သူတို့ဟာ ဆင်းရဲနွမ်းပါးပြီး ပညာသိပ်မတတ်ကြတဲ့ မျိုးနွယ်စုကဆင်းသက်လာပေမဲ့ ပညာရေးဟာ သူတို့ဘ၀ အတွက် အပြောင်းအလဲဖြစ်နိုင်တာကို ဖခင်ဖြစ်သူအနေနဲ့ ကောင်းကောင်းသဘောပေါက်ခဲ့ပါတယ်။ သူတို့ သားအဖနှစ်ယောက်ရဲ့ ဖြစ်ရပ်မှန်ဇာတ်လမ်းလေးဟာ ဖခင်တစ်ယောက်ရဲ့မေတ္တာတရားကို အပြည့်အ၀ ဖော်ကျူးထားသလို မဖြစ်နိုင်တဲ့အရာမရှိဘူးဆိုတာကိုလည်း သက်သေပြလိုက်တာပါ။ နွံနစ်နေရင်တောင် ဇွဲလုံ့လ၊ ဉာဏ်ပညာတို့နဲ့ ရုန်းထနိုင်ပါသေးတယ်။
