Breaking

Monday, December 2, 2019

ပရိသတ်စိတ်ဝင်စားမှုမြင့်တက်နေတဲ့ မင်းသမီးကြီးဝါဝါဝင်းရွှေရဲ့ မြေးချောမလေး ၂ ယောက်

 သရုပ်ဆောင်အကယ်ဒမီမင်းသမီးကြီး ဒေါ်ဝါဝါဝင်းရွှေဟာ သူမရဲ့ မြေးချောလေး ၂ဦးကို ပရိသတ်နဲ့ မိတ်ဆက်ပေးလိုက်ပြီး ပရိသတ်တွေက မြေးချောလေး ၂ဦးကို စိတ်ဝင်စားနေကြပါတယ်။

 သားငယ်ဖြစ်သူ ဝါဇင်ရဲ့ အမျိုးသမီးဖြစ်သူက သံရုံးက သံမှူးဖြစ်တဲ့အတွက်  လက်ရှိမှာ စင်ကာပူနိုင်ငံမှာနေထိုင်နေတာဖြစ်ပြီး သမီးလေး (၂) ယောက်ကိုလည်း မွေးဖွားထားတာဖြစ်ပါတယ်။လက်တလောလူမှုကွန်ယက်ပေါ်မှာ ရေပန်းစားနေတဲ့  သရုပ်ဆောင်ဝါဝါဝင်းရွှေရဲ့ မြေးမလေး (၂) ဦးကတော့ သားကြီးဝင်းထွဋ်ဝင်းက မွေးဖွားလာတဲ့ သမီးချောလေးနှစ်ဦးဖြစ်ပါတယ်။ သူတို့တွေကတော့ ဝါရွှေနွယ်သွေးဝင်း နဲ့ ဝင်းဝါပန်းမြတ်သွေးတို့ပဲ ဖြစ်ပါတယ်။



အသက် ၁၅ နှစ်အရွယ်သာရှိသေးတဲ့ မြေးအငယ်မလေး ဝင်းဝါပန်းမြတ်သွေးနဲ့ အကြီးမလေး ဝါရွှေနွယ်သွေးဝင်းတို့ ၂ဦးဟာ ချစ်စဖွယ်မျက်နှာလေးတွေကို ပိုင်ဆိုင်ထားကြသူတွေဖြစ်ပြီး

အဘွားဖြစ်သူ ဒေါ်ဝါဝါဝင်းရွှေရဲ့ လှပမှုတွေကို အမွေရရှိထားကြသူလေးတွေလည်း ဖြစ်ပါတယ်။ သူတို့နှစ်ယောက်ရဲ့ အိမ်နာမည်တွေက ဝါသွေးနဲ့ ပန်းသွေးပါတဲ့။

အန်တီဒေါ်ဝါဝါဝင်းရွှေဟာ အကြီးမလေး ဝါရွှေနွယ်သွေးဝင်းကို သူမရဲ့ ရုပ်ရှင်ဇာတ်ကားကြီးဖြစ်တဲ့ ရှင်ဥပဂုတ္တ ဇာတ်ကားထဲမှာ ထည့်သွင်းရိုက်ကူးခဲ့သေးတာဖြစ်ပြီး ဝါရွှေနွယ်သွေးဝင်းရော ဝင်းဝါပန်းမြတ်သွေးပါ အနုပညာ ဝါသနာပါကြတယ်လို့ သိရပါတယ်။အကြီးမလေးက ကျောင်းမှာပြုလုပ်တဲ့ ဇာတ်လမ်းတို ပရော့ဂျက်လေးတွေမှာ ပါဝင်သရုပ်ဆောင်ဖူးပြီး အဲဒီဇာတ်လမ်းကို သရုပ်ဆောင်မင်းမော်ကွန်းရဲ့ သမီးလေး လေပြေသွေးက တွဲဖက်ဒါရိုက်တာအဖြစ် ရိုက်ကူးထားတာပါတဲ့။အငယ်မလေးကတော့ စန္ဒရားတီးဝါသနာပါတယ်လို့ ဒေါ်ဝါဝါဝင်းရွှေက ဆိုထားပါတယ်။ကဲ အန်တီဒေါ်ဝါဝါဝင်းရွှေရဲ့ မြေးချောလေးတွေကိုလည်း မကြာခင် အနုပညာလောကထဲမှာ မြင်ရတော့မယ်ထင်ပါတယ်နော်။

POPULAR POSTS

ads