Breaking

Sunday, December 1, 2019

အိုလံပစ်ပြိုင်ပွဲဝင်နုိုင်ရန် မြန်မာဂုဏ်ဆောင် သက်ထားသူဇာ ကို Zeya And Associates ကုမ္ပဏီမှ ကန်ဒေါ်လာ တစ်သောင်း ထောက်ပံ့

 မြန်မာ ကြက်တောင်အားကစားမယ်သက်ထားသူဇာ ကို Zeya & Associates ကုမ္ပဏီမှ မူးယစ်ဆေးဝါး ပညာပေးဇတ်လမ်းတိုများတွင်ပါဝင်ရိုက်ကူးရန်နှင့်အိုလံပစ်ပြိုင်ပွဲသွားရောက်ယှဉ်ပြိုင်ရန် အတွက်အမေရိကန်ဒေါလာတစ်သောင်းထောက်ပံ့ငွေပေးအပ်ခဲ့သည့်သတင်းစာရှင်းလင်းပွဲကိုဒီဇင်ဘာလ ၁ ရက်နေ့ နံနက်ပိုင်းက ဂျန်းရှင်းစကွဲ တွင် ပြုလုပ်ခဲ့သည်။ အိုလံပစ်အတွက်က လာမည့်ဇန်နဝါရီလောက်မှ ပြိုင်ပွဲ ဝင်ဖြစ်မှပါ။ စာရင်းသွင်းထားတာ သုံးပွဲရှိပါတယ်။ မလေးရှား ၊အင်ဒိုနီးရှား ၊ ထိုင်း နိုင်ငံတို့ပါ။ ရိုက်ရ မရ ဆိုတာက မလေးရှားပွဲ အတွက်က လူစာရင်း တော့ ထွက်လာပါပြီ။ အဲဒါတော့မသေချာသေးပါဘူး။ ဖေဖော်ဝါရီ ၊ မတ်၊ ဧပြီလ မှာ တစ်ခြားပွဲတွေလည်း ရိုက်ဖို့ရှိပါတယ်။ အဲဒါတွေက စာရင်းတော့မသွင်းရသေးပါဘူး ” ဟု ယှဉ်ပြိုင်ရမည့် ပြိုင်ပွဲများနှင့် ပတ်သက်ပြီး မြန်မာကြက်တောင်အားကစားမယ် သက်ထားသူဇာက မီဒီယာများကိုပြောသည်။

 Zeya & Associates သက်ထားသူဇာကို အိုလံပစ်ပြိုင်ပွဲသို့ သွားရောက်ယှဉ်ပြိုင်ရန်အတွက် ပထမအကြိမ် ဒေါ်လာ ၅၀၀၀ ပေးအပ်ခဲ့ခြင်း ဖြစ်ပြီး ပြိုင်ပွဲ ပြီးဆုံးသွားချိန်တွင် ကျန်ရှိသည့် ဒေါ်လာ ၅၀၀၀ကို ထပ်မံပေးအပ်သွားမည် ဟု Zeya & Associates ၏ ဥက္ကဋ္ဌ ဖြစ်သူ ဦးဇေယျသူရမွန် က ပြောသည်။ “ပြိုင်ပွဲတိုင်းမှာ အကောင်းဆုံးကြိုးစားပြီးရိုက်ပါတယ်။ ဒီဆီးဂိမ်းကလည်း အရှေ့တောင်အာရှ ကစားသမားတွေများတယ်ဆိုတော့ အခုကလူစာရင်းတော့ ထွက်လာပြီး တစ်နိုင်ငံကို နှစ်ယောက်စီရိုက်ရမှပါ။ အားလုံးပေါင်း ၁၆ ယောက်ရှိတယ။် ကောင်းတဲ့ကစားသမားတွေလည်း ရှိတော့ အကောင်းဆုံးရိုက်သွားမှ ပါ ” ဟု သက်ထားသူဇာက ပြောသည်။မြန်မာဂုဏ်ဆောင် ကြက်တောင်အားကစားမယ် သက်ထားသူဇာကို Get Ride ၊ UAB Bank နှင့် Zeya & Associates ကုမ္ပဏီတို့ မှ စပွန်ဆာ ပေးအပ်ထားသည်။
သက်ထားသူဇာက“ဆီးဂိမ်းမှာတော့ လူကောင်းတွေ အများကြီးလာကြမှာ။ ထိုင်းက ဒီနှစ်အသင်းအပြည့် ကစားမယ်။ ကမ္ဘာ့ချန်ပီယံတွေတောင် ပါလာတယ်။ အင်ဒိုနီးရှားကလည်း လာမှာဆိုတော့ နည်းနည်း ခက်လိမ့်မယ်” ဟု ဧရာဝတီသို့ ပြောသည်။မြန်မာနိုင်ငံ ကြက်တောင်အဖွဲ့ချုပ် အနေဖြင့် ဆီးဂိမ်းတွင် သက်ထားသူဇာအပါအဝင် ၆ဦးဝင်ရောက်ယှဉ်ပြိုင် မည်ဖြစ်ပြီး အင်အားကြီးနိုင်ငံမှ ကြက်တောင်အားကစားသမားများ ပါဝင်ကစားကြမည်ဖြစ်သည့်အတွက် အခက်အခဲရှိ သော်လည်း အမျိုးသမီးတဦးချင်းပွဲ၌ အမြင့်ဆုံး တတိယဆုရရှိရန် မျှော်မှန်းထားသည်ဟု ဧရာဝတီသို့ ပြောကြားသည်။
credit-

POPULAR POSTS

ads